Menu
Ingurune pribilegiatu bat txirrindularitza bezalako jarduera garbi eta jasangarri bat praktikatzeko
Urdaibai Bizkaiaren bihotzean aurkitzen den Biosferaren Erreserba da, Turismo Jasangarriaren Europako Gutunari atxikitako naturgune berezi eta bakarra. Hemen, gure eskualdea bizikletaz ezagutzeko aukera izango duzu Urdaibaiko Ibilbide zikloturista sarearen bidez. Senti ezazu Kantauri Itsasoko brisa zure aurpegian ehundaka txoriren kantuak entzuten dituzun bitartean. Disfrutatu gure jendearen berotasunaz, gure aberastasun gastronomikoaz eta gure hizkuntza zaharraz gozatuko duzue.
Txirrindularitzaz disfrutatzeko helmuga ezin ederrago baten bila bazabiz, ongi etorri Urdaibai Bike Reserve-era! Zatoz zure bizikletarekin Euskadiko Biosfera Erreserba bakarrera. Zure eskuetan izango dituzu Urdaibairen edertasunaz gozatzeko amaigabeko errepide ikusgarriak, naturan murgiltzeko mendiko bizikleta ibilbideak eta familientzako bizikleta-txangoen proposamenak Mundakako itsasadarrean zehar.
Gure eskualdea nazioartean ezaguna da bere aberastasun eta edertasun naturalagatik. Gaztelugatxeko San Joan, Ogoño lurmuturra, Matxitxakoko lurmuturra edo Laga eta Laida hondartzak bezalako ametsezko estanpak bisitari guztien erretinan arrastoa uzten duten lekuak dira. Gainera, Elantxobe edo Mundaka bezalako leku bitxietara nahitaez joatea gomendatzen dugu, azken hau mundu mailako surflarien topagunea baita, bere ezker olatu handiari esker.
Bakarrik edo konpainian zatozela, esteka bat uzten dizuegu inguruko ostatu guztiekin eta poltsiko guztietarako, zuen bisita planifikatu ahal izan dezazuen eta ostaturik gabe gera ez zaitezten.
© 2024 Todos los Derechos Reservados
